Khorgos Gateway су ресурстарын сақтау жөніндегі экологиялық бастамалары
Орталық Азиядағы ең ірі құрғақ порт - Khorgos Gateway Хоргос өзенінің алабында, аймақты сумен қамтамасыз ететін негізгі көздердің бірі болып саналатын Іле өзенінің саласында орналасқан. Компания Қазақстан Республикасының заңнамасы мен «Хоргос - Шығыс қақпасы» АЭА талаптарына толық сәйкес экологиялық іс-шаралар кешенін жүйелі түрде іске асырып келеді.
Компанияның басым бағыттарының бірі - суды ұтымды пайдалану және жергілікті су көздеріне түсетін жүктемені азайту. Осы мақсатта суды есепке алу мен тұтынуды тұрақты бақылаудың заманауи жүйелері енгізілді, сондай-ақ техниканы жуу және сервистік аймақтарды күтіп-ұстау сияқты технологиялық процестерде суды пайдалану оңтайландырылды. Бұл шаралар аумақтың су теңгерімін сақтауға және артық тұтынудың алдын алуға мүмкіндік береді.
Жауын-шашын суларының басқарылуына ерекше көңіл бөлінеді. Кешен аумағында топырақ пен гидрологиялық нысандарға, соның ішінде Хоргос өзенінің арнасына ластаушы заттардың түсуіне жол бермейтін заманауи ливневтік кәріз жүйесі жұмыс істейді. Жүйе құрамына мұнай ұстағыштары бар ливневтік ағындар, құм ұстағыштар және ағын сулардың сапасын тұрақты мониторингтеу кіреді. Бұл тәсіл қоршаған ортаны техногендік ластанудан сенімді қорғауды қамтамасыз етеді.
Khorgos Gateway қауіпті қалдықтармен жұмыс істеуді қатаң бақылайды. Су мен топырақтың химиялық ластану қаупін азайту мақсатында қауіпті материалдарды сақтауға арналған жеке алаңдар ұйымдастырылған, техникалық сұйықтықтар герметикалық контейнерлерде сақталады және оларды қауіпсіз кәдеге жарату үшін лицензияланған ұйымдармен ынтымақтастық орнатылған. Бұл шаралар өнеркәсіптік қауіпсіздіктің жоғары деңгейін қамтамасыз етіп, экологияға теріс әсердің алдын алады.
Су ресурстарын сақтау аумақты көгалдандыру және шаң-тозаңмен ластануды азайту шараларымен тығыз байланысты. Жыл сайын өткізілетін «Таза Қазақстан» республикалық экологиялық акциясы аясында кешен аумағы абаттандырылып, топырақ нығайтылып, шаң шығарындылары азайтылады. 2025 жылы акция аясында іргелес аумақта 500 ағаш отырғызылды. Сонымен қатар «Батарейканы тапсыр - кірпіні құтқар» атты ішкі бастама жүзеге асырылып, нәтижесінде 12 кг-нан астам сілтілі батарейка жиналып, кәдеге жаратылды. Қызметкерлер макулатура, пластик және шыны сияқты қайталама қалдықтарды бөлек жинау бойынша тұрақты түрде нұсқамадан өтеді, бұл компания ішінде экологиялық жауапкершілік мәдениетін қалыптастыруға ықпал етеді.
Khorgos Gateway экологиялық құжаттаманың толық пакетімен қамтамасыз етілген: экологиялық рұқсат, қалдықтарды басқару жоспары және өндірістік экологиялық бақылау жөніндегі есептер. Бұл заңнамалық талаптарға сәйкестікті ғана емес, су ресурстары мен қоршаған ортаны қорғауға жүйелі көзқарасты да қамтамасыз етеді.
Экологиялық шаралар кешенін дәйекті түрде іске асыра отырып, KTZE-Khorgos Gateway Хоргос пен Іле өзендерінің бассейндерін сақтауға елеулі үлес қосып, өңір үшін стратегиялық маңызы бар экожүйелерді қолдайды және ESG тұрақты даму қағидаттарына адалдығын көрсетеді.