Алғашқы демонстрациялық контейнерлік пойыз Цзяочжоудан (ҚХР) Копер портына (Словения) ТХКБ дәлізімен (Транскаспий халықаралық көлік бағдары) жол тартты. Жеткізу мультимодальды тасымалдау принципі: теңіз және теміржол көлігі бойынша ұйымдастырылған.
Пойыз құрамында электромобильдер тиелген контейнерлер бар. Пойыз қазақстандық Алтынкөл станциясы, Ақтау порты, Алят порты (Әзірбайжан), Беюк-Кясик (Әзірбайжан), Гардабани (Грузия), Поти порты (Грузия), Стамбұл (Түркия) және одан әрі Словенияға дейін жүріп өтті. Қазақстан бойынша тасымалдауды «KTZ Express» АҚ ұйымдастырды.