KTZ Express РЖД Логистикамен бірлесіп Қытайға агроөнімдерді жеткізу бойынша тікелей контейнерлік сервис ұйымдастырды

«KTZ Express» АҚ «РЖД Логистика» АҚ-мен бірлесіп Мәскеу – Сиань (ҚХР) бағытында тікелей теміржол қатынасында алғашқы рефрижераторлық контейнерлік пойызды жөнелту ұйымдастырды. Ет және тауық өнімдері бар контейнерлер Қазақстан-Қытай шекарасы арқылы межелі жерге дейін жеткізіледі. Бұрын жеткізу теміржол және теңіз көлігі қолданыла отырып мультимодальды болды. Алдағы жоспар - жаңа қызметті апта сайын етіп жасау.