KTZ Express 1-ші Қазақстан – Қытай көлік форумында
2025 жылғы 15 мамырда Астанада 1-ші Қазақстан-Қытай көлік форумы өтті, оның аясында KTZ Express белсенді қатысып, негізгі серіктестермен бірқатар екіжақты кездесулер өткізді.
Форум аясында KTZ Express өкілдері логистика және инфрақұрылым саласындағы жетекші қытайлық компаниялармен, оның ішінде Ляньюньган порты, COSCO Shipping Group және China Communications Construction Company (CCCC) компанияларымен ынтымақтастықты кеңейту перспективаларын талқылады. «Бір белдеу бір жол» бастамасы аясындағы бірлескен жобалар, мультимодальды бағыттарды дамыту және транзиттік тасымалдау тиімділігін арттыру басты назарда болды.
Бұл бастамалар Қазақстанның Еуразиядағы стратегиялық транзиттік хабы ретіндегі ұстанымын нығайтуға және халықаралық сауда талаптарына жауап беретін заманауи тұрақты логистикалық инфрақұрылымды қалыптастыруға бағытталған.