KTZ Express Қазақстан мен Қытай арасындағы ТХКБ дамыту жөніндегі Жұмыс тобының бірінші отырысына қатысты

2024 жылғы 24 қыркүйекте Астана қаласында «ҚТЖ» ҰК» АҚ, ҚР Көлік министрлігі және ҚХР даму және реформалар жөніндегі мемлекеттік комитеті өкілдерінің қатысуымен Қазақстан мен Қытай арасындағы Транскаспий халықаралық көлік маршрутында (ТХКБ) жүктерді тасымалдау жөніндегі жұмыс тобының отырысы өтті.

Кездесудің басты назары Қытай-Еуропа бағыты бойынша тасымалдарды ұлғайту көрінісі, сондай-ақ ТХКБ бойынша инфрақұрылым мен ынтымақтастықты дамыту жөніндегі негізгі жобаларды талқылауға аударылды.

Отырыс барысында Қазақстан арқылы транзитпен өтетін Еуропаға транзиттік пойыздардың санын 2025 жылы 600 контейнерлік пойызға (КП) дейін, 2027 жылы 1000 КП-ға дейін және 2029 жылы 2000 КП-ға дейін ұлғайту туралы уағдаластықтарға қол жеткізілді.

KTZ Express Каспий теңізі арқылы Қытай мен Еуропаны байланыстыратын негізгі мультимодальды дәліз болып табылатын ТХКБ дамуын белсенді қолдайды. Тараптар Қытай-Еуропа көлік қатынасы шеңберінде ТХКБ бойынша ынтымақтастықты нығайту экономикалық қатынастарды дамыту және ҚР мен ҚХР арасындағы жан-жақты стратегиялық әріптестікті қалыптастыру үшін маңызды мәні бар екенін атап өтті.