KTZ Express Ашхабад қаласында өткен отырыста мультимодальды дәліздерді құруды талқылады

2024 жылғы 2 қазанда Ашхабад қаласында экономикалық, ғылыми-техникалық және мәдени ынтымақтастық жөніндегі Қазақстан-Түркімен Үкіметаралық комиссиясының он үшінші отырысы өтті. Іс-шара Қазақстан Республикасының Президенті Қ.К. Тоқаевтың Түркіменстанға ресми сапарына дайындық аясында өтті.

Отырысқа Қазақстан мен Түркіменстанның бейінді министрліктері мен ведомстволарының өкілдері қатысты. KTZ Express-ті Бас директордың коммерция жөніндегі орынбасары У. А. Оразов ұсынды.

Тараптар көлік-логистика саласындағы екіжақты ынтымақтастық мәселелерін талқылады. «Қазақстан-Түрікменстан - Ауғанстан-Пәкістан» мультимодальды дәлізін құруға ерекше назар аударылды. Сондай – ақ «Қазақстан – Түрікменстан-Иран» бағыты шеңберінде Қытайдан және кері қарай жүктерді тарту перспективасы қарастырылды.