KTZ Express Минскіде өткен форумда: агрожүктер мен терминалдық желіге басымдық

📅 2025 жылғы 26 маусым

📍 Минск, Беларусь Республикасы

«KTZ Express» АҚ коммерция жөніндегі бас директорының орынбасары Оразов У.А. IV Еуразиялық экономикалық форум аясында өткен «Еуразиялық Агроэкспресс – жаңа көкжиектер мен мүмкіндіктер» панельдік сессиясында сөз сөйледі.

Өз баяндамасында ол Қазақстанның Еуразиядағы негізгі транзиттік торап ретіндегі стратегиялық рөлін атап өтіп, халықаралық бағыттардың, соның ішінде «Солтүстік – Оңтүстік» халықаралық көлік дәлізі мен Трансауған дәлізінің дамуы туралы баяндады.

Ерекше назар ЕАЭО елдерінен агроөнеркәсіптік өнімдерді жедел контейнерлік тасымалдауға бағытталған логистикалық бастама – «Еуразиялық Агроэкспресс» жобасына аударылды. 2024 жылы аталған жоба аясында 805 контейнер тасымалданып, бұл алдыңғы жылдың көрсеткішінен үш есе артық болды. Қазақстан атынан оператор ретінде KTZ Express жобаның логистикасын толық қамтамасыз етеді — алғашқы милден соңғы жеткізуге дейін.

Сонымен қатар, Оразов У.А. ЕАЭО аясында терминалдық инфрақұрылымды дамыту бастамаларын таныстырды — Хоргос пен Ақтаудан (Қазақстан) Селятино (Ресей) және Свислочьқа (Беларусь) дейін. Бұл бағыттар жеткізу мерзімдерін қысқартуға және қазақстандық транзиттің тартымдылығын арттыруға бағытталған.

Форум Еуразия кеңістігіндегі логистиканың болашағы туралы пікір алмасудың маңызды алаңына айналды, ал KTZ Express компаниясының қатысуы оның тұрақты өсуге және халықаралық ынтымақтастыққа деген ұмтылысын көрсетті.