CILF 2025: KTZ Express теңіз, теміржол көлігі және трансшекаралық тасымалдар бойынша 10-шы Форумда

📅 2025 жылғы 26 қыркүйек

📍 Шэньчжэнь, Қытай

19-шы Қытай (Шэньчжэнь) халықаралық логистика және жеткізілім тізбектері көрмесінің екінші күні сәтті аяқталды. Күннің негізгі оқиғаларына теңіз, теміржол көлігі және трансшекаралық тасымалдар бойынша 10-шы Форумның өтуі, сондай-ақ KTZ Express өкілдерінің маңызды пікірталастарға қатысуы кірді.

Форум аясында «Қазақстан темір жолы» ҰК» АҚ атынан KTZ Express логистика жөніндегі бас директордың орынбасары Айбек Қапар «Қазақстан мен Қытай арасындағы көлік-логистикалық ынтымақтастық» тақырыбында негізгі баяндама жасады. Өз сөзінде ол Қазақстанның халықаралық транзиттік тасымалдарды қамтамасыз етудегі артып келе жатқан рөлін, мультимодальды бағыттардың дамуын және Азия мен Еуропа арасындағы сауда үшін Транскаспий халықаралық көлік бағдарының (ТМТМ) стратегиялық маңызын атап өтті.

Қатысушылардың ерекше назарын «Бір белдеу, бір жол» бастамасы аясындағы Қытай – Еуропа теміржол экспресінің мүмкіндіктері мен сын-қатерлері» атты панельдік сессия аударды. Айбек Қапар панельдік пікірталасқа белсенді қатысып, Shenzhen Dayang Logistics Co., Ltd., Xi’an International Port Group Co., Ltd, RTSB Group, Neptune Logistics Group және Zhengzhou International Dry Port Development and Construction Co., Ltd. өкілдерімен бірге инфрақұрылымды дамыту, жаңа сын-қатерлер және ТМТМ әлеуеті мәселелерін талқылады.

Форумды ұйымдастырушылар – Шэньчжэнь логистика және жеткізілім тізбектерін басқару қауымдастығы, Neptune Logistics Group, Шэньчжэнь қазіргі заманғы жеткізілім тізбектері басқару институты және Шэньчжэнь трансшекаралық электрондық коммерция жеткізілім тізбектері қызметтері қауымдастығы.

«Қазақстан темір жолы» ҰК» АҚ мен Қазақстан Республикасын таныстыра отырып, KTZ Express CILF 2025 алаңын халықаралық серіктестіктерді нығайту, сала көшбасшыларымен тәжірибе алмасу және Қазақстанды Еуразияның негізгі көлік-логистикалық хабы ретінде ілгерілету үшін пайдаланады.