CILF 2025: көрменің алғашқы күні және KTZ Express қатысуы

📅 2025 жылғы 25 қыркүйек

📍 Шэньчжэнь, Қытай

19-шы Қытай (Шэньчжэнь) халықаралық логистика және жеткізу тізбектері көрмесінің (CILF 2025) алғашқы күні табысты аяқталды.

KTZ Express «Қазақстан темір жолы» ҰК» АҚ мен Қазақстан Республикасын таныстырып, халықаралық логистика, теміржол тасымалдары және көлік инфрақұрылымын дамытудағы жетістіктерін көрсетті.

Көрменің бірінші күні KTZ Express командасы World Jaguar (Циндао филиалы), Nova, Global DTC, PTC, Sinotrans, CR Express, сондай-ақ Asia Silk Road International (Shenzhen) Co. LTD, Paramount Transport Group және ICM Group өкілдерімен екіжақты кездесулер өткізді. Тараптар тасымал маршруттарын, тарифтік ұсыныстарды және логистика мен транзиттік тасымалдар саласындағы ықтимал ынтымақтастық форматтарын талқылады.

CILF 2025 көрмесі саладағы жетекші ойыншыларды біріктіріп, негізгі бағыттарды қамтиды: порттық және кеме қатынасы операциялары, әуе және теміржол тасымалдары, трансшекаралық логистика, интеллектуалды ІТ-жүйелер, роботтандырылған көлік құралдары және инновациялық технологиялар. Шара тәжірибе алмасу және жаңа шешімдерді талқылау алаңына айналды.

Ертең, 26 қыркүйекте, KTZ Express Логистика жөніндегі бас директордың орынбасары А.И. Қапар 2025 жылғы 10-шы Теңіз, теміржол және трансшекаралық тасымалдар форумы аясында «Қазақстан мен Қытай арасындағы көлік-логистикалық ынтымақтастық» тақырыбында баяндама жасайды.

⏰ Сөз сөйлеу уақыты: 10:30–10:40 (Шэньчжэнь уақыты)

📍 Өтетін орны: Sweet Osmanthus Hall залы, 6-қабат, Шэньчжэнь Конгресс-орталығы (Futian)

📺 Тікелей эфир: https://www.instagram.com/ktz_express/

Сонымен қатар, А.И. Қапар форумдағы «Бір белдеу, бір жол» бастамасы аясындағы Қытай – Еуропа теміржол экспресінің мүмкіндіктері мен сын-қатерлері» атты панельдік пікірталасқа қатысады. Онда мына мәселелер талқыланады:

• «Бір белдеу, бір жол» бастамасы аясындағы инфрақұрылым құрылысы және елдер арасындағы байланыстарды дамытудағы жаңа сын-қатерлер
• Транскаспий халықаралық көлік бағытының (TMTM) ағымдағы дамуы, мәселелері және әлеуеті

⏰ Пікірталас уақыты: 11:50–12:20 (Шэньчжэнь уақыты)

📺 Тікелей эфир: https://www.instagram.com/ktz_express/

Форум CILF 2025 аясында Шэньчжэнь Логистика және жеткізу тізбегін басқару қауымдастығы және Neptune Logistics Group қолдауымен өткізіледі.

Барлық мүдделі тараптарды тікелей эфирге қосылып, еуразиялық логистиканың болашағы туралы білуге және саланың негізгі пікірталастарына куә болуға шақырамыз.